Jeugdprins Tygo en Dansmarietje Anne

Op zondag 11 januari 2015 werd bekend dat Tygo Deenen (Prins Tygo I) de nieuwe 'kleine' Hoogheid van de Keieschiéters van het seizoen 2014-2015 geworden is.

Hij werd bijgestaan door dansmarietje Anne (Vousten), zijn adjudanten Jorn (Brands) & Timo (Greve) en ceremoniemeester Pim (Ritt).

Weej, Prins Tygo d'n Örste

Beej de grasie vân de kleine Raod vân Ellef,
Príns vân alle snôtneuze vân Ârce.
Beschaeremhiër in de Orde vân de Wydtveldschoël,
Ridder in de Orde vân groep 7 vân de juffe Laura en Loes,
Groëtmeister in 't voetballe in de D2 beej DEV en ôp ’t schoëlplein,
Keurmeister in 't laeze vân Donald Ducks,
Groëtvors in de Orde vân de Maliebaan én de Laakwaeg,
Kommandeur vân de Arende beej Jông Ârce,
Hofmeister in ’t aete vân völ botteramme en unnen baerig petatte,
Ridder in de Orde vân alle Bayern München-fens,

Ân alle jônges en megjes vân Ârce: Alaaf!

Alzoë weej meine dât 't ônder ôs regering nuuëdig is um veurschrifte te gaeve ân alle kiezelstiën vân Ârce, doon te wiëte:

Ten örste: Dât de pleejsteesjens en X-bokse vörluuëpig ni miër aan meuge. Vânáf maerge môt d'r mit alle papa’s en mama’s gebouwd waere ân wages vör de kiénderôptoch.

Ten twedde: Dât de rissedénsie ôp de Maliebaan is, en dât ik daorbeej ok de Laermaert oétnuuëdig um te kômme krénse.

Ten derde: Dât ik hiël aerig gaer duj voetballe, mâr vörluuëpig geldt d'r mâr iën ding en dât is karnevalsBÁL.

Ten verde: Dât vör alle blage vân Ârce geldt, dât ’t hoéswaerik en strafwaerik meug bliéve ligge wies nao Aswoensdig.

Ten viefde: Dât ik oow allemaol oétnuuëdig vör de karnevalszôndiggemiddig, daen unne ni-jen ôpzet haet gekrege.

Ten zesde: Dât mien brurke Mika en mien zuskes Levi en Donna mich nao de vastenaovend môtte laote oétslaope.

Ten zivvende: Dât de Kiezelstiëntjes vân Ârce mich âs Príns, Anne âs ôs Dansmarietje, Timo en Jorn âs ôs adjundánte en Pim âs ôzze sirremoniemeister neet alliën môtte laote staon en same mit ôs karneval môtte kômme viére.

Weej, Príns Tygo d'n Örste haope en vertrouwe dât ôs veurschrifte trouw en prômp waere naogekômme en oétgeveurd.

Aldus gegaeve te Ârce, Kiénderkarneval 2015,

Prins Tygo d'n Örste.