Jeugdprins Mika I en Dansmarietje Amber

Op zondag 8 januari 2012 is Mika Verstappen uit de kei gesprongen. Prins Mika I heeft er samen met dansmarietje Amber (Steegh) en de rest van de kiénderkarneval een kei gezellige carnaval van gemaakt! 

Mika zijn adjudanten waren Sem Timmermans en Siem Verrijt. Ceremoniemeester was Cedric Thiesen.

Proklamasie Prins Mkal I

Weej, Prins Mika d’n Örste,
- Beej de grasie vân de Raod vân Ellef,
- Prins vân alle snôtneuze vân Ârce.
- Officiër in de orde vân ’t D3 elleftal vân DEV,
- Ridder in de orde vân groep 7/8 C vân juf Loes en juf Laura,
- Groëtmeister in 't meidoon mit d’n optôch mit vriendeklub “De Oelewappers”,
- Groëtvors vân de kortste straot vân Ârce
- Kommandeur vân Visclub “De Brasem”.
- Gouverneur beej de Tijgers van jeugdvereniging “Jông Ârce”.
- Hofmeister in ’t verkoëpe vân loëte vör de Groëte Club aksie vân DEV.
- Ân alle jônges en megjes van Ârce: Alaaf !

Alzoë weej meine dât 't ônder ôs regering nuuëdig is um veurschrifte te gaeve ân alle kiezelstiën vân Ârce, doon te wiëte:

Ten örste:
Dât ik âs kieper vân de D3 áltiéd achterin speul, mâr mit de karneval zal ik ál die daag veurôp loëpe.

Ten twedde:
Dât d’n druuëm vân mich um zelluf unne karnevalswage te bouwe dit jaor neet zal lukke, mâr 't vollegend jaor göj ik d’r veur.

Ten derde:
Dât we dit jaor nag gennen echte winter hebbe gehad, âs d’r mit de ôptochte mâr genne groëte pak snieëj leet.

Ten verde:
Dât ik normaal gespraoke nag-al unnen treuzelaar bin, mâ dât ik vânáf dees plâts belaof um ôp alle kiezelstiën-aktiviteite rojaal ôp tiéd te zien.

Ten viefde:
Dât mien straot “Aan ’t Erf” 'n kleine straot is hâj ik al gezág. Daorum zien ok De Gerstkamp en 't Wijdtveld vân hârte oétgenuuëdigd um beej mich te kômme krénse.

Ten zesde:
Dât ôk alle kiénder vân Ârce welkom zien um d’r op maondigmiddig, nao de groëten ôptoch in dizze zaal 'n keigezellig karnevalsfiës vân te make.

Ten zivvende:
Dât ik haop, dât ik âs Príns Mika d’n örste, same mit Dansmarietje Amber en daobeej de Adjundánte Sem en Siem en ôzze sirremoniemeister Cedric, same mit alle Keieschiéters en Keieschiéterinnekes groët en klein, unne keisjieke karneval zal belaeve mit völ lol en plezeer.

Weej, Príns Mika d’n örste, haope en vertrouwe dât ôs veurschrifte trouw en prômp waere naogekômme en oétgeveurd.

Aldus gegaeve te Ârce, Kiénderkarneval 2012,
Prins Mika d'n Örste.