Op zondag 6 januari 2008 is onze jeugdprins Bram I (Bram Wennekers) uit de kei gesprongen. Samen met zijn Dansmarietje Lotte (Hoogveld), zijn Adjudanten Pelle (van den Bekerom) & Senna (van Boven) en Ceremoniemeester Nieck (van Hout) gaan ze tijdens de Carnaval Arcen op stelten zetten.

U kunt onze jeugd Hoogheden hier feliciteren.

Proclamatie Prins Bram I

Weej Príns Bram d’n Ôrste,

Beej de grasie vân de kleine Raod vân Ellef
Príns vân alle snôtneuze vân Ârce,
Ridder in de Orde vân groep zeve vân Meister Bart en Juf Esther,
Groëtmeister in de maot slaon mit de trômmelstök.
Sjefkok beej ôs thoés in de keuke,
Kommandeur vân alle Ârcese Ajax fens,
Toegewijde haölep vân pastoër beej ’t dene vân de H. Mis
Groëtvors vân de Dokter Thielenstraot,
Ridder in de Orde vân de Wijdtveldschoël,
Groëtmeister in ’t organiezere vân ôs straotfiës,
Oéters betouwbaar slot ôp de deur vân de E1 vân D.E.V.
En zoë mâr wiër en zoë mâr wiër en zoë mâr wiër.

Ân alle jônges en megjes vân Ârce: ALAAF

Alzoë weej meine dât ’t ônder ôs regering nuuëdig is um veurschrifte te gaeve ân alle kiezelstiëntjes vân Ârce, doon weej te wiëte:

Ten Örste:
dât d'r dit jaor vör d’n örste kiër priéze zien beej de Kiénderôptoch en dât ik haop dât d'r hiël völ blage mei doon mit dit spektakel en neet alliën um örste, twedde of derde te waere. Want zeker in dit olimpies jaor geld dât meidoon belangriéker is âs winne.

Ten Twedde:
dât ik d'r ôp haop en vertrouw dât alle mínse vân Ârce de vlaag boéte hange mit de Vastenaovend, zoëdât alle straote in ôs daörep d'r fiëstelik gael/blauw oét zulle zeen.

Ten Derde:
dât de stoére jônges vân de Raod vân Ellef zieg âs nette hiére dene te gedrage teggenovver dees schoëne megjes vân de Prínsegarde.

Ten Verde:
dât ik haop dât de aldere jeugd dit jaor löt zeen dât Karneval ’n fiës is vân joeks en plezeer en dât ôs daörep d'r mit Aswoensdig baeter beej zal ligge âs vörrig jaor nao de Vastenaovend. Aoverál troep en aoverál rotzooi. Ik vônd ’t schandalig en Ârce neet waerd.

Ten Viefde:
dât ik alle zeve buure vân ôs kleine straot ôproop um de hand in-iën te slaon, zoë-dât ôs hoés kômmende zaoterdig fijn versiërd zal waere.

Ten Zesde:
dât 't de jeugd ônder de 16 jaor verbaoje is um gebroek te make van nikotiene en alkohol, mâr dât mâk vör ôs niks oét: weej amuzere ôs ok wâl zônder siegrette en beer.

Ten Zivvende:
dât ik same mit mien dansmarietje Lotte en ôs adjundánte Senna en Pelle en natuurlik ôzze sirremoniemeister Nieck d'r zörrig vör zal drage dât de Vastenaovend vân 2008 vör alle kiezelstiëntjes vân Ârce ônvergaetelik zal waere.
Weej Príns Bram d’n Örste haope en vertrouwe d'r ôp dât ôs veurschrifte trouw en prômp waere naogekômme en oétgeveurd,

Aldus gegaeve te Ârce, Vastenaovend 2008

Príns Bram d'n Örste