Op zondag 10 januari 2010 is Ruben Hegger onze nieuwe jeugdprins geworden !! Prins Ruben I heeft er samen met zijn dansmarietje Merel (Braam), én zijn adjudanten Lars (Lagarde) & Justin (Huijs) en de ceremoniemeester Berro (Hamelers) een Kei-Toffe Carnaval van gemaakt !

Proklamatie Prins Ruben I

Weej Príns Ruben d’n örste,

Beej de grasie vân de Raod vân Ellef
Príns vân alle snôtneuze vân Ârce,
Officier in de orde vân ’t D 3 elleftál vân DEV,
Ridder in de Orde vân groep 7/8a vân juf Loes en meister Busch,
Groëtmeister in ’t make vân karambools beej biljartklup de “Inaborg”,
Kommandeur in de orde vân de Kruúswaeg,
Hofmeister in ’t aete vân alles waor d’n hônger vân aover giët,
Groëtvors vân alle Ârcese VVV-supporters,
Keurmeister in ’t bouwe vân hutte en boéte speule,
Kommandeur in de orde vân de Wijdtveldschoël,
Ridder in de Orde vân karnevalsgroep de “Buufkes”.

Ân alle jônges en megjes vân Ârce: Alaaf!

Alzoë weej meine dât 't ônder ôs regering nuuëdig is um veurschrifte te gaeve ân alle kiezelstien vân Ârce, doon te wiëte:

Ten örste:
dât ik ’t aerig fijn vônd dât d'r zoëvöl kiénder mit hebbe gedaon mit Scrooge. Âs ze d'r beej ’t vollegende festival nag nuuëdig hebbe háld ik mich aanbevaole.

Ten twedde:
dât ik ’t keitof vind dât DEV ’n ni-j akkemedasie krieg. En ik haop dât d'r in dât gebouw ok nag ’n pletske is vör ’n eige jeugdhônk.

Ten derde:
dât ik alle Kiezelstiën vân Ârce oét wil nuuëdige um mei te doon ân de ni-je jeugdaktiviteit ôp karnevalszôndig. De kemissie Kiénderkarneval haet heej aerig eur baes vör gedaon. Ik haop dât weej eur neet teleurstelle en dât d'r völ kiénder dao zulle zien.

Ten verde:
dât âs d'r nów geskoord wört in de Koel, ik ôp môt passe dât ik neet de polonaeze göj loëpe

Ten viefde:
dât de kersmaert ôp schoël völ géld haet ôpgebraoch vör de stichting Sôkkertante. Mien waardering vör de schoëlleiding die ’t meugelik mâkt um dees aksie te hálde. Zeker nów deut ’t good um wât vör erme kiénder te doon.

Ten zesde:
groëte mínse zegge duk dât de jeugd neet miër spaart. Mâr dit geld evvel neet vör de voetbalpletjes beej de Spar. ’n Keileuke aksie vân ôs supermaert en ôs voetbalklup. Mien kompeleménte vör de bedínkers heejvân.

Ten zivvende:
dât ik haop dât ik, âs Príns Ruben d’n Örste mit ân mien ziej Dansmarietje Merel en in ôs kielzog de adjundánte en ôzze sirremoniemeister , same mit alle keieschiéters en keieschiéterinnekes groët en klein unne ônvergaetelikke vastenaovend zal belaeve mit völ joeks en plezeer.

Weej, Príns Ruben I haope en vertrouwe dât ôs veurschrifte trouw en prômp waere naogekômme en oétgeveurd.

Aldus gegaeve te Ârce, Vastenaovend 2010,
Príns Ruben d'n Örste