In herinnering: Hay Wennekers

In memoriam Iérelid Hay Wennekers

Unne karnevallist oét de beginjaore vân d’n Ârcese Vastenaovend is neet miër. Hay waor iën vân de gáns vroege karnevallisten beej de Keieschiéters. Kwaom beej de vereniging in 1953. Vörrig jaor nag vierde haen zien 6 x 11 jaörig jubileum. In ál die jaore dât haen lid waor haet haen ziech vörál in de beginjaore verdinstelik gemâk vör de vereniging. Hay haet in ’t bestuur gezaete en waor iën vân de örste vorsten vân de Keieschiéters. Is Príns gewès in 1959 en trouwde zellefs mit zien dansmarietje Iet Alards. Mâr ok wie haen al wât alder waor, waor zien interesse in ôs klubke nag áltiéd groët. Hay waor iérelid vân ôs vereniging. Waor beej de OPA’s en waor nag duk te zeen ôp beejiënkômste vân de klub. Hay is ôp maondig 1 juni 2020 ovverleeje.

Hay bedánkt vör dienen inzet beej ôs vereniging.